Танилц: 34 хүртэлх хувиа арилжаалах Төрийн өмчийн оролцоот 25 компани : Тал нутгийн цахим мэдээлэлийн сайт

Хөшигийн хөндий рүү явах...

Б.Бат-Эрдэнэ: БНСУ-ын шар...

Танилц: 34 хүртэлх хувиа арилжаалах Төрийн өмчийн оролцоот 25 компани

Kuzmo 2022-06-29

Засгийн газрын хуралдаанаас гаргасан шийдвэрийг танилцууллаа. Хуралдаанаар 2022-2023 онд биржээр төрийн мэдлийн хувьцааг олон нийтэд нээлттэй худалдах, төрийн өмчит хуулийн этгээдийн жагсаалт батлах тухай Засгийн газрын тогтоолыг баталжээ.

Төрийн өмчийн бодлого, зохицуулалтын газрын дарга Б.Цэнгэл "Шинэ сэргэлтийн бодлогын хүрээнд төрийн бүтээмжийн бодлого чухал байр суурь эзлэж байна. Төрийн бүтээмжийн бодлогын хүрээнд төрийн болон төрийн өмчийн оролцоотой компанийн засаглалыг сайжруулах, менежментийг боловсронгуй болгох, бүтэц орон тоог өнөөгийн нөхцөл байдалд нийцүүлэн цомхотгох, чадавхжуулах тухай асуудал чухал байна.

Энэ нь Хэмнэлтийн хуулийн агуулгатай нийцэж байгаа. 2022-2023 онд Хөрөнгийн биржээр дамжуулан 25 компанийг олон нийтийн хяналтад оруулахаар УИХ-д Засгийн газар өргөн барьсан. УИХ үндсэн чиглэл баталсан. Засгийн газрын өнөөдрийн хуралдаанаар энэ 25 аж ахуйн нэгжийн жагсаалтыг баталлаа.

Тухайлбал, Монголын хөрөнгийн бирж, Монголын цахилгаан холбоо, Үндэсний давхар даатгал, Мэдээлэл холбооны сүлжээ компани, Мэдээлэл технологийн үндэсний парк зэрэг 25 компанийн 34 хүртлэх хувийг нээлттэйгээр олон нийтийн хяналттай болгох процессыг эхлүүлж байна. Өнөөдрийн хурлаар дээрх ажлыг ямар үе шатаар, яаж хэрэгжүүлэх вэ гэдийг хэлэлцсэн. Бид 2022 оны дөрөвдүгээр улиралд багтаагаад тэргүүн ээлжинд Монголын хөрөнгийн биржийн 34 хувийг олон нийтэд нээлттэй арилжина. Мөн 2023 оны нэгдүгээр улиралдаа багтаагаад Монголын цахилгаан холбоо компанийн 34 хувийг олон нийтэд нээлттэй болгоно” гэв.

Дараах 25 компанийн 34 хүртэлх хувийг 2022-2023 онд багтаан олон нийтэд нээлттэй болгох юм.

- "Монголын хөрөнгийн бирж" ТӨХК;
- "Монголын цахилгаан холбоо" ХК;
- "Мэдээлэл холбооны сүлжээ" ХХК;
- "Мэдээлэл, технологийн үндэсний парк" ТӨҮГ;
- "Үндэсний давхар даатгал" ХК;
- "Баянчандмань-АЗЗА" ТӨХК;
- "Налайх-АЗЗА" ТӨХК;
- "Архангай-АЗЗА" ТӨХК;
- "Багануур-АЗЗА" ТӨХК;
- "Булган-АЗЗА" ТӨХК;
- "Говь-Алтай-АЗЗА" ТӨХК;
- "Дархан-АЗЗА" ТӨХК;
- "Дорноговь-АЗЗА" ТӨХК;
- "Завхан-АЗЗА" ТӨХК;
- "Орхон-АЗЗА" ТӨХК;
- "Өвөрхангай-АЗЗА" ТӨХК;
- "Сэлэнгэ-АЗЗА" ТӨХК;
- "Талын зам" ТӨХК;
- "Төв-АЗЗА" ТӨХК;
- "Увс-АЗЗА" ТӨХК;
- "Харгуй" ТӨХК;
- "Хархорин-АЗЗА" ТӨХК;
- "Ховд-АЗЗА" ТӨХК;
- "Хөвсгөл-АЗЗА" ТӨХК;
- "Эрдэнэсант-АЗЗА" ТӨХК

ФОТО:

Сэдвүүд : #Засгийн газар

ХОЛБООТОЙ МЭДЭЭ

МЭДЭЭНИЙ СЭТГЭГДЭЛ

АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.

Сэтгэгдэл байхгүй байна.