Орхон аймаг 2022 оны хаврын бүх нийтийн мод тарих үйл ажиллгааны нээлтээ өнөөдөр А.Амарын талбайд хийлээ. Нээлтийн үйл ажиллагаанд аймгийн Засаг дарга С.Батжаргал, Засаг даргын орлогч А.Түвшинжаргал, ХБТХОХ-ийн дарга С.Даваадорж, Байгаль орчин аялал жуулчлалын газрын дарга Жаргалсайхан болон мод бут үржүүлгийн газрууд оролцлоо.

Монгол улсын ерөнхийлөгч У.Хүрэлсүхийн санаачилсан “Тэрбум мод” үндэсний хөдөлгөөн, аймгийн хэмжээнд хэрэгжүүлж буй “Ногоон Эрдэнэт” хөтөлбөрийн хэрэгжилтийг хангах хүрээнд Орхон аймаг 2020-2024 он хүртэл 20 сая ширхэг мод тарих зорилго тавьсан.

2022 оны хавар “Ногоон Эрдэнэт” хөтөлбөрийн хүрээнд олон нийтийн оролцоотойгоор 170,000 ширхэг мод, улсын болон орон нутгийн төсвийн хөрөнгөөр ойжуулалт, ойг нөхөн сэргээх, ойн зурвас байгуулах аргачлалаар 750,000 ширхэг мод тарихаар төлөвлөөд байгаа. Модыг зөвхөн тариад орхих биш тарьсан модоо арчилж ургуулдаг байх нь чухал. Иймд аймгийн Засаг даргын санаачилгаар “Арчилъя- Ургуулъя” аяныг аймгийн хэмжээнд зохион байгуулж ажиллаж байна. Орхон аймаг 2021 онд 153487 мод бут, ойжуулалт ойн нөхөн сэргээлтээр 75000 мод бут тарьсан нь улсын хэмжээнд хамгийн олон мод тарьсан аймаг болсон.

Үүнд хувь нэмрээ оруулж хамгийн олон мод тарьж, ургуулсан байгууллага, ААН-уудэд мөнгөн урамшуулал олголоо. Мөн нээлтийн үеэр тарьц суулгацын үйлдвэрлэл эрхлэгч “Мөнх зун” ХХК-ийн захирал Г.Ганбаатар 5000 ширхэг хайлаас модны суулгацыг Онцгой байдлын газрын мод үржүүлгийн газарт хандивлалаа.