Монгол Улсын шадар сайд С.Амарсайхан Медипас эмнэлэгт ажилласны дараа аймгийн Мэдээлэл шуурхай удирдлагын төвийн үйл ажиллагаатай танилцлаа. 

Түүнд аймгийн Засаг дарга С.Батжаргал аймаг орон нутгийн зүгээс хийж хэрэгжүүлж буй бодлого шийдвэр, хөрөнгө оруулалтын ажлын талаар мэдээлэл танилцуулсан юм. Мэдээлэл шуурхай удирдлагын  төв байгуулагдаж бүрэн ажиллаж эхэлсэнээр хотын хэмжээнд хулгай, дээрэм, гэмт хэргийн зөрчил багассан бөгөөд цаашид Цагдаа, ОБГ, яаралтай түргэн тусламж, Хот тохижуулах газар, хотын доторх тээврийн хэрэгслүүдэд GPS-ын хяналтын систем суурьлуулж нэгтгэхээр ажиллаж байгаа гэв. 

Өнөөдрийн байдлаар аймгийн хэмжээнд нийт 340 гаруй камериар хотыг бүхэлд нь хянаж байгаа хяналтын систем бүхий Мэдээлэл шуурхай удирдлагын төвд аймгийн шуурхай штаб байрлан ажиллаж байгаа. 

Энэ үеэр БОЭТ-ийн халдвартын тасгийн Улаан бүс рүү шууд холбогдож цаг үеийн нөхцөл байдлын талаар мэдээллийг Шадар сайдад танилцууллаа. 

Тэрээр хүнд цаг үед ачааны хүндийг үүрч, нуруугаа чилээж, сэтгэл зүрхээ зориулан ажилласан эмч эмнэлгийн ажилчдын хичээл зүтгэлийн дүнд нөхцөл байдал сайжирсан талаар онцгойлон дурьдаж талархсанаа илэрхийллээ. 

Шадар сайд аймаг орон нутгийн удирдлагуудад: 

1. Онцгой комиссын үйл ажиолагаа цаашид хэвийн үргэлжлэх хэрэгтэйг

2. Хөрөнгө оруулалтын ажлыг хугацаанд нь эхлүүлж, чанартай гүйцэтгүүлэх 

3. Малын эрүүл мэнд - Хүний эрүүл мэнд салшгүй холбоотой тул мал амьтны гаралтай өвчнөөс урьдчилан сэргийлэх талаар анхаарч ажиллах, вакцинжуулалтыг сайтар явуулах зэрэг хэд хэдэн асуудлыг анхаарах үүрэг өглөө.