NBA-ын талбайд найман тоглолт болох байснаас коронавирусийн улмаас хоёр тоглолт цуцлагдаж зургаан тоглолт боллоо. Өнөөдрийн эхний тоглолт Бостон Селтикс талбайдаа Филадельфи 76 багтай тоглолоо. Энэ улиралд хоёр баг дөрвөн удаа таарч тоглох бөгөөл эхний тоглолтод Селтикс 87-88 харьцаагаар эцсийн мөчид хожжээ. Хоёр дахь тоглолт өнөөдөр болсон бөгөөд гуравдугаар үед Селтикс тэргүүлж байсан ч шийдвэрлэх үеийг тааруухан хийснээр 108-103 харьцаагаар Сиксерс хожлоо. Улмаар 16 хожил, 15 хожигдолтой болж дорнод бүсийн 6-руу дэвшсэн бол Селтикс 15 хожил, 16 хожигдолтой болж дорнод бүсийн 9-р байр руу унажээ.

Тус тоглолтод Жоэл Эмбийд 41 оноо, 10 самбар, 5 дамжуулалт, 2 таслалт, 4 хаалтаар багаа тэргүүлсэн бол Сет Көрри 26 оноо, Тобиас Харрис 25 оноог авсан бол сэлгээний тоглогчид нь ердөө ганц оноог авчээ. Эсрэг багаас Жэйлон Броун 30 оноогоор багаа тэргүүлсэн бол Жэйсон Тэйтум 17 оноог авчээ.

Өнөөдөр NBA-ын талбайд болсон тоглолтын үр дүн