Өнөөдөр NBA-ын талбайд 10 тоглолт боллоо. Өчигдөр айлын талбайгаас нэмэлт цагт хожил байгуулсан Лос Анжелес Лейкэрс өнөөдөр Оклахома Сити Тандер багтай тоглолоо. Эхний үед 26 оноогоор тэргүүлж байсан Лейкэрс хоёр болон гуравдугаар үед тэргүүллээ алдаж хоёр оноогоор хожигдож шийдвэрлэх үеийг эхлүүлсэн бөгөөд үндсэн цаг дуусах мөчид Монк, Мело хоёр дараалж тэнцүүлэх шидэлт хийсэн бөмбөг нь шийдэндээ хүрэлгүй өнгөрсөн ч тоглолт 115-123 харьцаагаар Тандерын ялалтаар өндөрлөлөө. Улмаар Тандер улирлын эхний хожлоо байгуулсан бол Лейкэрс хоёр хожил, гуравн хожигдолтой болжээ.

Тус тоглолт Шай Гилгеус-Александр 27 оноо, 9 самбар, 5 дамжуулалтаар багаа тэргүүлсэн бол Дариус Базлэй 20 оноо, Дорт 17, Фаворс 15, Жиддэй 18 оноог авчээ. Эсрэг багаас Рассел Уэстбрүүк 20 оноо, 14 самбар, 13 дамжуулалтаар трипл дабл хийсэн бөгөөд мөн 10 бөмбөг алдалтыг гүйцэтгэжээ. Энтони Дэвис 30 оноо, 8 самбараас бөмбөг авч багаа тэргүүлсэн байна.

Өнөөдөр болсон бусад тоглолтын дүн