Их Британийн иргэн наймдугаар сарын 31-нд манай улсад амиа алджээ. Тодруулбал, Их Британийн уулчин, парапланы нисэгч 53 настай Стив Нэш  Монголд өөрийн хамтрагч Гарет Астоны хамт  Улаанбаатараас баруун тийш 400 километрын зайтай, 3900 метрийн өндөр Хангай Нурууны оргилд гарах зорилгоор хүрэлцэн ирсэн байжээ. 

Улмаар тэд наймдугаар сарын 30-ны орой нутгийн иргэдийн гэрт хоноглож, маргааш нь аяллаа үргэлжлүүлэхээр төлөвлөсөн байсан ч,  Гарет гэгчийн  хуучин шарх сэдэрсэн тул  аялалыг үргэлжлүүлэх боломжгүй болсон байна. Харин Стив ганцаараа цааш явжээ. Ийнхүү явахдаа мөнгөө дээрэмдүүлж, бусдын гарт амиа алдсан байдалтайгаар олдсон байна. Тус хэргийг цагдаагийн газар эдүгээ шалгаж буй бөгөөд хоёр этгээдийг сэжиглэн баривчилжээ.