Коронавирусийн нөхцөл байдлын талаар ЭМЯ, ХӨСҮТ-өөс танилцууллаа. 

ХӨСҮТ-ийн Тандалт, судалгааны албаны дарга А.Амбасэлмаа "Арванхоёрдугаар сарын 2-нд нийт 16599  хүнд PCR шинжилгээ хийсэн. Хавьтлын шинжилгээнээс улсын хэмжээнд 7 хүний шинжилгээнд коронавирус илэрсэн.

Улаанбаатар хотод 1 тохиолдол бүртгэгдсэн. Энэ нь өмнөх батлагдсан тохиолдлын ойрын хавьтал гурав дахь давтан шинжилгээгээр илэрсэн.

Сэлэнгэ аймагт 6 тохиолдол шинээр бүртгэгдсэн, нэг гэр бүлийн 5 хүн, мөн ажиглан тусгаарлах байранд байсан хүний давтан шинжилгээнээс коронавирус илэрсэн.  

Улсын хэмжээнд голомтлон гараад байгаа хэсэгт нийтдээ 376 тохиолдол бүртгэгдсэн. Нийт өссөн дүнгээр хэлбэл, 

Улаанбаатарт 91

Сэлэнгэ аймагт 189

Орхон аймагт 24

Дархан-Уул аймагт 44

Дорноговь аймагт 21

Говьсүмбэр аймагт 4

Арханхагй аймагт 3

Монгол Улсад коронавирусийн батлагдсан нийт тохиолдол 819, эдгэрсэн 365 байна. 

ХӨСҮТ-ээс 7 хүн эдгэрч дараагийн шатны хяналт сувилалд шилжсэн.

Цэргийн төв эмнэлэг болон ХӨСҮТ-д нийтдээ онош батлагдсан 445 хүн эмчлүүлж байгаа.

Биеийн байдал маш хүнд 3, хүнд 5, хүндэвтэр 77, хөнгөн 360 хүн эмчлэгдэж байна” гэв.