Зам тээврийн ослоор хоёр хүн амиа алджээ
Улаанбаатар хотын Замын цагдаагийн газрын ЖШУХ-т өчигдөр нийт 325 дуудлага мэдээ мэдээлэл ирснээс зам тээврийн ослын 218 дуудлага бүртгэгдсэн байна. Үүнээс гэмт хэргийн шинжтэй гомдол мэдээлэл 11 бүртгэгдэж, нэг хүний амь нас хохирчээ.
Тодруулбал, БЗД-ийн нутаг Энхтайваны өргөн чөлөө, 13-р хорооллын хойд явган хүний гарц замд N.Tida маркийн авто машины жолооч Г нь согтууруулах ундааны зүйл хэрэглэсэн үедээ тээврийн хэрэгсэл жолоодож яваад явган зорчигч 48 настай эрэгтэй Д-г мөргөж амь насыг нь хохироогоод хэргийн газрыг орхиж явсныг шуурхай эрэн сурвалжилж илрүүлсэн байна. Мөн Налайх дүүргийн тавдугаар хороо Тангадын хөндий гэх газар шороон замд мотоцикль онхолдож жолооч 60 настай эрэгтэй Р нас баржээ.
Иймээс урин дулаан цаг ирж хөдөө орон нутгийн замд явахдаа жолооч та бүхэн тээврийн хэрэгслийн техникийн бүрэн бүтэн байдлыг сайтар шалгах, гүйцэт түрүүлэх үйлдэл хийхдээ аюулгүй байдлаа сайтар хангах, согтуугаар тээврийн хэрэгсэл жолоодохгүй байх, хамгаалах бүсийг байнга хэрэглэж хэвшихийг Замын цагдаагийн ерөнхий газраас анхаарууллаа.
МЭДЭЭНИЙ СЭТГЭГДЭЛ
ХОЛБООТОЙ МЭДЭЭ
Веб сайтад агуулагдсан мэдээлэл зохиогчийн эрхийн хуулиар хамгаалагдсан тул зөвшөөрөлгүй хуулбарлах хориотой.
Copyright © MMINFO.MN All Rights Reserved. Powered by HUREEMEDIA.
