Согтууруулах ундааны эргэлтэд хяналт тавих, архидан согтуурахтай тэмцэх тухай хуулийн төслийг УИХ-ын намрын чуулганаар хэлэлцэхээр төлөвлөөд байна. Энэ талаар Хууль зүй, дотоод хэргийн сайд Х.Нямбаатар хэлэхдээ "Энэ хуулийн төслийг анхны хэлэлцүүлэгт бэлтгэх ажлын хэсэг сайн ажиллаж байгаа. Бид энэ онд архинд донтох өвчтэй хүмүүсийг эмчлэх эмнэлгийг ашиглалтад оруулсан. Мөн Баян дахь эмнэлгийнхээ орны тоог нэмсэн. Хүүхдийн мөнгө өгч эхэлсэн өдрүүдэд архины борлуулалт нэмэгддэг. Тиймээс нийгмийн асуудлаа халамжийн бодлоготой уях шаардлагатай байна" гэлээ.