Улсын онцгой комисс хуралдаж байна. Хуралдаанаар энэ сарын 31-нд дуусгавар болох өндөржүүлсэн бэлэн байдлын зэрэгт шилжүүлсэн хугацааг сунгах асуудлыг хэлэлцсэн юм. Улмаар улсын хэмжээнд өндөржүүлсэн бэлэн байдлын зэрэгт шилжүүлсэн хугацааг арванхоёрдугаар сарын 31 хүртэл буюу он дуустал сунгах шийдвэр гаргажээ. Энэ хугацаанд хилийн хоригоос бусад үйл ажиллагаа хэвийн үргэлжилнэ. Үүнээс гадна хуралдаанаар улс хоорондын ачаа тээврийн зохицуулалтын талаар хэлэлцэж байгаа юм. Түүнчлэн УОК-ын шийдвэрийн дагуу ирэх сард 10 удаагийн тусгай үүргийн нислэг үйлдэхээр болсон байна. Тухайлбал, БНСУ руу тав, Токио хот руу хоёр, Казахстан улс руу нэг удаа тусгай үүргийн нислэг үйлдэх урьдчилсан төлөвлөгөө гаргасан талаар Гадаад харилцааны яамны Консулын газрын захирал Л.Мөнхтүшиг мэдээлэв. Дашрамд дурдахад, өнгөрсөн хоёрдугаар сараас хойш 98 удаагийн тусгай үүргийн нислэгээр 19519 иргэнээ таван авчээ. Ингэснээр агаарын болон авто замын боомтоор нийт 26100 иргэнээ татан авсан байна.