Наадмаар тав хоног амарч, орон нутгийн зам хаахгүй
Тулгар төрийн 2229, Их Монгол Улсын 814, Ардын хувьсгалын 99 жилийн ой, Үндэсний их баяр наадам энэ жил Бямба, Ням гарагт тохионо.
Нийтээр тэмдэглэх баярын болон тэмдэглэлт өдрүүдийн тухай хуульд:
Үндэсний их баяр наадам, Ардын хувьсгалын ойн баярыг 7 дугаар сарын 11, 12, 13, 14, 15-ны өдрүүдэд тэмдэглэнэ гэж заасан байдаг.
Хуулийн дагуу тав хоногийн амралт үргэлжилж ААН, байгууллагуудын ажил долоодугаар сарын 16-ны Пүрэв гарагт эхэлнэ. Ингэснээр ирэх долоо хоногт ажлын хоёр өдөр/Пүрэв, Баасан гараг/ байна.
Дэлхий нийтэд тархаад буй цар тахлын улмаас Үндэсний их баяр наадмын бөх, сур, хурдан морины уралдааныг теле болон онлайнаар үзүүлэхээр болсноо УОК олон нийтэд зарлаад байгаа.
ҮНДЭСНИЙ ИХ БАЯР НААДМААР ОРОН НУТГИЙН ЗАМЫГ ХААХГҮЙ.
XIII зуун цогцолбороос баяр наадмын нээлт, хүчит 512 бөхийн барилдаан, сур, шагайн харвааг, Хүй долоо худагаас хурдан морины уралдааныг шууд дамжуулан үзүүлэх юм.
Мөн наадмын тасалбар, автомашины зөвшөөрөл, хуушуур худалдаалах зөвшөөрлийг олгохгүй, олныг хамарсан үйл ажиллагаа явуулахгүйг холбогдох албаныхан мэдээлж байв.
Харин орон нутгийн наадмыг ард иргэддээ нээлттэй хийхийг аймаг, сумын Засаг дарга нарт зөвшөөрсөн юм. Тиймээс Үндэсний их баяр наадмаар орон нутгийн замын хөдөлгөөнийг хаахгүйг УОК-оос мэдээлж байсан билээ.
МЭДЭЭНИЙ СЭТГЭГДЭЛ
ХОЛБООТОЙ МЭДЭЭ
Веб сайтад агуулагдсан мэдээлэл зохиогчийн эрхийн хуулиар хамгаалагдсан тул зөвшөөрөлгүй хуулбарлах хориотой.
Copyright © MMINFO.MN All Rights Reserved. Powered by HUREEMEDIA.
