Бейонсе 35 нас хүрлээ
Бейонсе 35 насны босго алхлаа. Дуулсан дуу нь дэлхий даяар хит болж, хөгжмийн ертөнцөд өөрийн гэсэн байр суурийг хэдийнэ бий болгоод амжсан дуучин Бейонсе есдүгээр сарын 4-нд Техас мужийн Хьюстонд төржээ. 1990-ээд оны сүүлээр “Destiny's Child” R&B охидын хамтлагийн гоцлол дуучин болох хүртлээ багаасаа төрөл бүрийн бүжиг,дууны тэмцээнд оролцдог байсан гэдэг.
Карьерынхаа турш 19 жилийн хугацаанд, тэр бие даасан уран бүтээлээрээ 100 гаруй сая, “Destiny's Child” хамтлагийн уран бүтээлээр 60 гаруй сая хувь борлуулсан нь түүнийг бүх цаг үеийн шилдэг борлуулалттай хөгжмийн уран бүтээлчдийн нэг болгосон юм.
Дуучин бүсгүй 20 Грэммийн шагнал хүртсэн бөгөөд мөн Грэммигийн түүхэн дэх хамгийн олон удаа нэр дэвшсэн эмэгтэй юм. 2011 онд түүнийг Millennium Award-аас 2000-аад оны шилдэг эмэгтэй уран бүтээлчээр өргөмжилжээ.“Time” сэтгүүлээс гаргадаг оны хамгийн нөлөө бүхий 100 хүний нэгээр 2013,2014 онд тодорсон байна. “Forbes” сэтгүүлээс түүнийг 2015 оны урлагийн ертөнц дэх хамгийн нөлөө бүхий эмэгтэйгээр нэрлэж байв.
МЭДЭЭНИЙ СЭТГЭГДЭЛ
ХОЛБООТОЙ МЭДЭЭ
Веб сайтад агуулагдсан мэдээлэл зохиогчийн эрхийн хуулиар хамгаалагдсан тул зөвшөөрөлгүй хуулбарлах хориотой.
Copyright © MMINFO.MN All Rights Reserved. Powered by HUREEMEDIA.
