1904 оны тавдугаар сарын 23-нд бөхийн төрлийн анхны Дэлхийн аварга шалгаруулах тэмцээн Австрийн нийслэл Венад зохион байгуулагдсан түүхтэй. Сүүлийн жилүүдэд Дэлхийн бөхийн өдөр болгон тэмдэглэн өнгөрүүлдэг болсон ч энэ жил дэлхий дахиныг нөмөрсөн коронавирусийн цар тахлын улмаас чимээгүйхэн өнгөрч байна. Ямартаа ч чөлөөт бөхийн төрөлд Монгол Улсынхаа нэрийг олимп, тив, дэлхийн дэвжээнд өндөрт өргөж явсан үе үеийн тамирчид, дасгалжуулагч, шүүгч, зүтгэлтнүүд, чөлөөт бөхөөр шимтэн хичээллэж явсан бүх хүмүүст Дэлхийн бөхийн өдрийн мэндийг дэвшүүлье.