Эрүүл мэндийн яамнаас коронавирусийн нөхцөл байдлын талаарх мэдээлэл хийлээ. ХӨСҮТ-ийн дарга Д.Нямхүү: Өчигдөр нийт 188 хүнд шинжилгээ хийхэд коронавирус илрээгүй. Харин дахин хоёр оюутан эдгэрч дараагийн тусгаарлалт руу шилжлээ. ХӨСҮТ-д тусгаарлагдсан гурван хүн, Дархан-Уул аймагт 11, тандалтын зорилгоор 17 сорьц авч шинжилгээ хийхэд коронавирус илрээгүй. Мөн энхийг сахиулагч 113 хүн болон Дархан-Уул аймагт ачаа тээврийн жолооч 42 хүн болон тус аймгийн нэгдсэн эмнэлэгт хэвтэж байсан хоёр хүний шинжилгээ сөрөг гарсан.

Монгол Улсад батлагдсан 141 тохиолдол бүртгэгдэж бөгөөд эдгэрсэн 30 хүн байна. Одоогийн байдлаар ХӨСҮТ-д 111 хүн эмчлүүлж байна. Тэдгээрийн биеийн байдал хөнгөн 86, хүндэвтэр 25 байна. Өнөөдөр эдгэрч гарч буй хоёр оюутан 37-39 хоног эмчлүүлсний дараа бүрэн эдгэрч гарч байна.