Европын хөлбөмбөгийн клубуудын дундах хамгийн нэр хүндтэй тэмцээн болох Аваргуудын лигийн 2020-2021 оны улирлын шөвгийн дөрвөнт үлдсэн багийн хариу тоглолт өнөөдөр шөнө 03:00 цагт болно.

Английн Челси талбайдаа Испаний эзэн хааны клуб болох Реал Мадрид клубтэй тоглоно. Өмнөх тоглолтод эзэн хааны клубын талбайд болж 1-1 харьцаагаар тэнцсэн бөгөөд тэдэнд өнөөдөр хожихоос өөр сонголт байхгүй. Харин Челси 0-0 харьцаагаар тэнцэхэд л хангалттай билээ. 

Шөвгийн дөрвийн нөгөө тоглолт өнгөрсөн шөнө болсон бөгөөд Английн Манчестер Сити талбайдаа Францын ПСЖ клубтэй тоглож Марезын хоёр гоолоор 2-0 харьцаагаар хожиж, нийлбэр дүнгээр 4-1 харьцаагаар Сити хожсон билээ.