Өнөөдөр өглөө нийгмийн сүлжээнд “Петровис ХХК” шатахууныхаа үнийг литр тутамд 400-500 төгрөгөөр буурууллаа гэх мэдээлэл цацагдсан. Гэвч бодит байдал дээрээ огт буураагүй байв. Тиймээс тус компаниас тодруулахад дээрх мэдээллийг ташаа мэдээлэл хэмээн няцаалаа.

Шатахууны үнээ буурууллаа гэх мэдээллийг твиттерт “Oyungerel Janchiv” гэх хаягнаас жиргэсэн “Петровис” ХХК-ийн ТУЗ-ийн дарга Ж.Оюунгэрэл бичсэн мэтээр иргэдэд ойлгогдсон бололтой. Гэвч тэр хаяг нь түүний албан ёсны хаяг биш. Одоогоор бензиний үнэ буурсан зүйл байхгүй гэх мэдээллийг тус компаниас өглөө.