“Ачит Ихт” ХХК нийгмийн хариуцлагын хүрээнд Орхон аймгийн Засаг даргын Тамгын газартай хамтын ажиллагааны гэрээ байгуулан, үр дүнтэй ажиллаж байна. Энэ талаар Орхон аймгийн ЗДТГ-ын Хөгжлийн бодлого, төлөвлөлт, хөрөнгө оруулалтын асуудал хариуцсан ахлах мэргэжилтэн С.Даваадоржоос тодруулга авлаа.

    С.ДАВААДОРЖ: -Эрдэнэт хотод ашигт малтмалын тусгай зөвшөөрөл эзэмшдэг “Ачит Ихт” ХХК нь Ашигт малтмалын тухай хуулийн 42.3-р заалтыг үндэслэн 2017 оны 12-р сарын 26-наас аймгийн Засаг даргатай хамтын ажиллагааны гэрээ байгуулж, жил бүр үр дүнг тооцон ажиллаж байна.

    Уул уурхайн компаниуд тухайн орон нутагт байгаль орчин, нийгмийн салбар, дэд бүтэцийн чиглэлээр хамтран ажиллах талаар “Ашигт малтмалын тухай” хуульд тодорхой заасан бий. “Ачит Ихт” ХХК 2018 онд байгаль орчны чиглэлээр хоёр ажил хийхээр хамтын гэрээнд тусгасан. Тодруулбал, Эрдэнэт хотын тодорхой хэсэгт мод тарьж төгөл байгуулахаар төлөвлөсөн. Үүний дагуу “Сархиа” уулын энгэрт олон арван мод тарьж, ногоон төгөл байгууллаа.

Мөн булаг шандны эх, голдирлыг сэргээх, хамгаалах, түүнийг арчлах, тохижуулах ажлын хүрээнд “Далиу” булгийн орчинг тохижуулж, хамгаалалтад авсан. Боловсролын салбарт ч амжилттай хамтран ажилласаар байна. 2018 онд Орхон аймагт Химийн улсын 29-р олимпиад зохион байгуулахад “Ачит Ихт” ХХК хамтран ажиллаж, олимпиадын шагналуудыг ивээн тэтгэсэн. Мөн Жаргалант сумын дунд сургуулийн химийн кабинетийг иж бүрэн тохижуулж, тоног төхөөрөмжтэй нь хүлээлгэн өгсөн. Тус компани Эрдэнэт хотын иргэдийг олноор нь ажилд авч, олон айл өрхийг байнгын орлогын эх үүсвэртэй, аз ажргалтай амьдрахад нь бодит хувь нэмэр оруулсаар байна. 2018 онд гэхэд 9 хүнийг ажилд нэмж авсан.

Жаргалант сумын дунд сургуулийн химийн кабинетийг иж бүрэн тохижуулж, тоног төхөөрөмжтэй нь хүлээлгэн өгсөн.

    “Ачит Ихт” ХХК нь Орхон аймагт үйл ажиллагаа эрхэлдэг аж ахуйн нэгжүүдээс бараа, үйлчилгээ худалдан авах үүргийнхээ дагуу энэ орон нутгийн бизнес эрхлэгчдийг дэмжиж, бараа, үйлчилгээг нь худалдан авч, амжилттай хамтран ажилласаар байна. Тус компанийн 2018 оны нийт худалдан авалтын 67 хувь нь Орхон аймгийн зах зээлээс худалдан авсан бараа, үйлчилгээ эзэлсэн. Мөн байгалийн гэнэтийн гамшигт үзэгдэл, осол аваарын үед Орхон аймагт машин механизмын дэмжлэг туслалцаа үзүүлэх шаардлага тулгарахад “Ачит Ихт” ХХК бүх зардлыг өөрсдөө дааж маш идэвхтэй оролцдог

. Энэ оны 10-р сард орон сууцны 6-р хороололд бичиг баримтгүйгээр шугамын буруу ухалт хийсний улмаас дулааны шугамыг цоолсон осол гарахад “Эрдэнэт ус” ДТС, “Эрдэнэт” үйлдвэр, “Ачит Ихт” ХХК-иас техникийн болон ажиллах хүчний туслалцаа авч богино хугацаанд засварласан. Энэ мэтчилэн цас их орох, зуд турхан тохиоход “Ачит Ихт” ХХК орон нутагт маш их туслалцаа үзүүлдэг аж ахуйн нэгж юм. Орхон аймагт үе үе тохиолддог хүндрэлтэй асуудлуудыг шийдвэрлэхэд уул уурхайн бүтээмж өндөртэй техник, хэрэгслийн тусламжийг “Ачит Ихт” ХХК, “Эрдэнэт” үйлдвэр л бидэнд үзүүлдэг. Мэдээж тухайн үеийн хүндрэлийг давахад тэд хүчит машин техникээр туслахдаа бензин шатахууны зардлыг ч өөрсдөө хариуцдаг бөгөөд түүнийг мөнгөөр тооцвол их дүн гарна.

  “Ачит Ихт” ХХК нь Эрдэнэт хот төдийгүй Монголын ТОП аж ахуйн нэгжүүдийн нэг болтлоо хөгжиж байгааг харахад бахархалтай.

    Орхон аймаг жил бүрийн 12-р сарын 11-нд “Эрдэнэт хотын өдөрлөг” зохион байгуулдаг болсон. 2018 онд “Эрдэнэт хотын өдөрлөг”-ийн үйл ажиллагааг “Ачит Ихт” ХХК мөн дэмжиж хамтран ажилласан. Ийнхүү “Ачит Ихт” ХХК болон Орхон аймгийн Засаг даргын хамтран ажиллах 2018 оны гэрээг дүгнэхэд төлөвлөсөн ажлууд нь 94 хувийн гүйцэтгэлтэй хийгдсэн байв . Харин 2019 оны хамтран ажиллах гэрээгээр 4 чиглэлийн 13 ажил хийхээр төлөвлөн ажиллаж байна.

    Энэ онд “Ачит Ихт” ХХК таван жилийн ойн ажлынхаа хүрээнд хамтын ажиллагааны төлөвөлөгөөнөөс гадна Орхон аймагт зарим хөрөнгө оруулалт хийж, санаачилгатай ажилласанд бид талархаж байна.

    “Ачит Ихт” ХХК нь Эрдэнэт хот төдийгүй Монголын ТОП аж ахуйн нэгжүүдийн нэг болтлоо хөгжиж байгааг харахад бахархалтай. Энэ нь тус компанийн зөв менежмент, удирдлага зохион байгуулалт, ажиллагчдын мэдлэг ур чадвар, хамтын зүтгэл тэмүүллийн том үр дүн юм. Энэ үйлдвэр Эрдэнэтийн олон иргэнийг ажлын байраар хангаад зогсохгүй, Орхон аймгийн томоохон татвар төлөгчийн хувьд энэ орон нутагт эдийн засгийн ихээхэн хувь нэмэр оруулсаар байна. Тиймээс “Ачит Ихт” ХХК-ийн 5 жилийн ойг тохиолдуулан нийт ажиллагчид, инженер техникийн ажилтнууд, удирдлагуудад нь баярын мэнд дэвшүүлж, цаашдын зорилтуудад нь их амжилт хүсье гэв.