Испанийн Ла лигийн хоёрдугаар тойргийн эхний тоглолтууд өнгөрсөн шөнө боллоо. Хоёрдугаар тойрогт “Реал Мадрид” клуб талбайдаа “Сельта”-г хүлээж авч, 2:1-ээр буулгаж авлаа. Ингэснээр 6 оноотой болж, хүснэгтийн тэргүүнд бичигдэж байна.

Тоглолтын 60 дахь минутад багтаа буцаж ирсэн Мората гоолдож, тооны харьцааг нээсэн. Тэгвэл 67 дахь минутад зочдоос Орельяна гоолдож, тэнцүүлсэн. Харин “Реал”-аас 81 дэх минутад Кроос гоол оруулж, багтаа гурван оноо авчирчээ.

Нэгдүгээр тойрогт нийтдээ долоон баг хожил аваад байсан. Тэгвэл “Реал” хоёр дахь тоглолтоо хийж, хожлоо. Харин “Департиво” болон “Леганес” клубүүд тэнцсэн юм. Өнөөдөр “Барселона”, “Севилья” тэргүүтэй багууд хоёр дахь тоглолтоо хийх учиртай.

Н.Болд