Нэмэгдсэн өртгийн албан татварын буцаан олголтыг 70 хувь болгон нэмэгдүүлэх хуулийн төслийг УИХ-ын гишүүн Н.Оюундарь санаачлан Засгийн газраас санал авахаар хүргүүлээд байгаа билээ. Тэрбээр Засгийн газар дэмжихгүй ч УИХ-д өргөн барих тухайгаа мэдэгдсэн.

Түүний энэ хуулийн төслийг дэмжигдчихээсэй, НӨАТ-ын буцаан олголтыг 70 хувьд хүргэчихээсэй гэх хүлээлт жирийн иргэдийн дунд маш их байгаа.

Учир нь НӨАТ-ын тухай хууль бол далд байгаа эдийн засгийг ил болгох зорилготой хэрэгжүүлдэг. Гэвч манайд цэвэрхэн луйвар болоод байгаа нь нууц биш.

НӨАТ бол зүгээр улсын төсөвт мөнгө төвлөрүүлэх арга хэлбэр болсон. Өөрөөр хэлбэл ажиллаж хөдөлмөрлөж, улсдаа татвараа төлж байгаа жирийн иргэд, аж ахуйн нэгжээ мөлжиж буй хэлбэр хэмээн ард түмэн үзэж байгаа.

Үнэхээр далд эдийн засгийг илрүүлэх зорилгынхоо хүрээнд хэрэгжүүлдэг бол 100 хувь буцаагаад өгсөн ч болохоор эд.

Гэтэл манай татварын байгууллага, цаашилбал хууль санаачлагчид тэгээгүй.

Тэгээгүйгээс нь болж тавар төлөгчид татвараас улам зайлсхийх болсон. Ингэмщснээр далд эдийн засгийг илрүүлэх бус харин цэцэглүүлэхэд хууль санаачлагчид өөрсдөө гар бие оролцож байгаа гэсэн үг болоод байна.

Тиймээс НӨАТ-ын гол зорилгын хүрээнд далд эдийн засгийн илрүүлье гэж байгаа бол буцаан олголтын хэмжээг ядаж 70 хувьд хүргэх нь зөв гэж харж байна. Ингэснээр иргэд, аж ахуйн нэгжид ирэх татварын дарамт багасч далд эдийн засгийг илрүүлэх боломж бүрдэх юм.