Нүдээ бүлтийлгэж, чихээ сортойлгоод наашаа суу даа. Монголд өдөрт 700 мянган төгрөгийн цалин авдаг хүмүүс байна гэвэл та итгэх үү. Итгэмээргүй байгаа ч энэ үнэн гэнэ.

Яамдуудын дэргэд төслийн багууд байдаг даа. Тэр төслийн багийнхны цалин ийм үнэлэмжтэй байдаг аж.

Гэтэл өнөөх яамдын гол ажлыг нугалдаг төрийн албан хаагчид нь бүтэн сар ажиллачихаад 600-700 мянган төгрөгийн цалин авна. Өшөө болоогүй ээ, түүнээсээ татвар шимтгэл элдэв татаасаа төлөөд гар дээрээ 450-600 мянган төгрөгийн цалин авдаг нь нууц биш, үнэн.

Тийм өндөр цалин авч, яамны булан тохойд шигдэн суудаг төслийн ажил хүссэн хүн бүрттийм ч амар олдохгүй.

Тендер гэх нэрээр хаацайлж том дарга нар, эсвэл гадныханд л төсөл хэмээх том "алим" олдоно.

Хэдийгээр мэдлэг мэргэжил, хэл усны түвшин, ур чадвараараа хүний авах цалин урамшууллын хэмжээ ялгарч болно. Гэвч Монголд төсөл нэртэй "мөнгө хүүлэгчид" хэдэн зуу, хэдэн мянгаараа бгаа атлаа төслийн ажилтан шалгаруулж авна гээд нээлттэй зар тавиад олны дундаас шалгаруулаад өндөр цалингаа амладаг нь хэд бол...

Тэгж чадахгүй өндөр цалингаа өөр хоорондоо хуваалцан тендер, төсөл гэх нэрийн дор "тэнгэрийн цалин" авч суудаг хүмүүс цөөнгүй байдаг бололтой.

Энэ мэт бусармаг зүйл Монголд баян, хоосны ялгааг улам ихэсгэж байна шүү дээ.

Нэг хэсэг нь бүтэн сар үхэр мал шиг зүтгээд 600-700 мянган төгрөгийн цалин авч байхад зарим нь цөөхөн цагаар хангамж сайтай орчинд ажиллаад өдөрт 700 мянган төгрөгийн цалин авч байна.

Энэ 2ын хооронд асар их ялгаа байгаа биз.

Бид нэг цаг үед, нэг хөрсөн дээр, бүр нэг улс, нэг хотод амьдарч байгаа биз дээ. Ингэж их ялгарч болох уу.