Баянгол дүүрэгт байрлах “..." ХХК-ийн засварчин 26 настай эрэгтэй Г ажлаа хийж байгаад гэмтжээ. Тодруулбал,  Г нь автобусандаа засвар хийж байх үед тулгуур домократ нь мултарч улмаар цээжин хэсэг нь дарагдаж гэмтсэн байна.

Тэрбээр, ГССҮТ-ийн хавсарсан гэмтлийн тасагт хэвтэн эмчлүүлж байгаа ажээ. Уг хэргийг Баянгол дүүргийн цагдаагийн хоёрдугаар хэлтэс шалгаж байна. Мөн Баянзүрх дүүргийн “Сэнгүр горхи” хотхоны манаачийн гэрт “Цагдаад зодуулж хөлөө хугалуулсан” гэсэн хүн ГССҮТөвд хэвтжээ. Уг хэргийг шалгахад тус дүүргийн 12 дугаар хороонд суух 57 настай эрэгтэй Т  нь согтуурсан үедээ хугарсан байсан хөлөө “цагдаа зодож хөл хугалсан” гэж худал хэлсэн байна.

Тиймээс түүнийг ЦАХ-ийг хүнд гэмт хэрэгт холбогдуулан худал мэдээлснийг Баянзүрх дүүргийн цагдаагийн хоёрдугаар хэлтэст шалгаж байгаа аж.