Дуучин Лэди Гага зохиолоос нь сэдэвлэн дахин хийж буй “A Star Is Born” кинонд дүр бүтээж буйгаа албан ёсоор мэдэгджээ. “A Star Is Born” кино 2017 онд Америкийн кино театруудад нээлтээ хийх юм.  Кино анх 1937 онд дэлгэцнээ гарч байсан бөгөөд 1954 болон 1976 онуудад ремэйк хийж олонд хүргэж байжээ. 

Улмаар эдүгээ Америкийн чадварлаг жүжигчдийн нэг Брэдли Купер дахин хийж, өөрөө гол дүрд нь тоглож буй гэнэ. Өмнө нь тус киноны гол дүрд дуучин Бейонсег тоглоно гэсэн мэдээлэл гарч байсан ч, жирэмсэн болсноор хугацааг хойшлуулаад байжээ.  Ямартай ч, Лэди Гагагийн хувьд сайн дуучин төдийгүй жүжиглэх авьяастай гэдгээ баталсан эмэгтэй.

Тиймээс тун удахгүй нээлтээ хийх кино нь ч үзэгчдийн сэтгэлд хүрэх биз.