МАН-ын гаргаж байгаа зарим шийдвэр инээд хүргээд болохгүй юм.  Сүхбаатарын талбайн нэрийг өөрчлөх тухай асуудал  хөндөгдөх үед  олноороо хэлэлцэж байгаад л дэлхийд Монголын нэрийг өнөө ч дуурсгаж яваа хаан хэмээгээд Чингисийн талбай гэж нэрийдэхээр тогтсон бус уу.

Гэтэл МАН  Засгийн эрх авуутаа л хийх ажил мондсон юм шиг Чингисийн талбайн нэрийг өөрчилж хуучнаар нь Сүхбаатарын талбай гэж нэрлэхээр болж байгаа бололтой.   Ингэж тэнэгтэж байхаар шуудхан  “ Улс төрийн ямар хүчин төр барьж байгааг Монгол Улсын Засгийн газрын ордны өмнөх талбайн нэрээс мэдэж болно.

МАН төрийн эрхийг барьж байгаа тохиолдолд тэрхүү талбайн нэр Сүхбаатар, АН төрж барьж байх аваас Чингисийн талбай хэмээгдэж байх учиртай” гээд дэлхий дахинд зарлачихаач. 

Гадна дотно жуулчид Монгол Улсад хөл тавьсныхаа нотолгоо болгож, их эзэн Чингис хааны  цээж баримлын дэргэд зургаа авахуулахыг хүсдэг болохоос биш Д.Сүхбаатарын хөшөөг сонгох нь юу л бол. Нөгөөтэйгүүр,  бидний урд хөрш их эзэн Чингис хааныг маань биднийх хэмээн өмчилж,  түүний морины мөр гарсан  муж бүхэндээ цогцолбор байгуулан түүгээрээ мөнгө олж байхад бид байгаа зүйлээсээ татгалзаж, улс төр хийж байгаа үнэхээр инээдтэй бус уу.