Баян-Өлгий аймгаас сонгогдсон УИХ-ын гишүүн Д.Мурат эрх мэдэл, албан тушаалаараа түрүү барьж жирийн ажилтан эмэгтэйг доромжилж, садар самуун сурталчилсан зургаа хувийн чатаараа явуулсан нь асуудал үүсгэж эхлэв. Тодруулбал, өөрийнхөө бэлэг эрхтнийхээ зургийг явуулж, бэлгийн харьцаанд орохыг шаардсан зураг, мессэж нь олон нийтэд ил болж, дахин нэг гишүүн “Боов” хочтой болж таарав.

Ийнхүү төрийн түшээ хүн байж ийм ёсзүйгүй үйлдэлдээ ямар нэгэн тайлбар хийгээгүй Д.Мурат гишүүн нутагтаа ажлаар яваа юм байна. Харин түүний хуульч нь “Энэ хэрэг шалгагдаж байгаа” гэсэн тайлбарыг өгчээ.

Тэгвэл Д.Мурат энэ асуудалд дараах тайлбарыг хийжээ. Тэрбээр “Хохирогч нь би юм шүү дээ. Наад бүсгүй чинь худлаа ярьж дарамтлаад байгаа.  Би өөрөө нэр төрөө сэргээлэхээр цагдаагийн байгууллагад гомдол гаргасан. Би одоо Баян-Өлгий аймагт ажиллаж байна. Өнөөдөр Улаанбаатар руу онгоцоор нисээд очно” гэжээ.