Хүүхдүүд сүнс, чөтгөр шулам, алуурчин, цус сорогч гээд хамгийн муу муухай дүрд хувирдаг болсон энэ муухай баяры тэмдэглэхийг Монголд хориглооч ээ. БСШУС-ын сайд Ц.Цогзолмаад онцгойлон анхааруулмаар байна. Үнэндээ бол манайд, буддын шашинтай бидэнд бүр таарахгүй баяр гэгч юм уу даа. Ялангуяа дунд сургууль, цэцэрлэгт ийм баяр хийхийг бүх тас хориглох хэрэгтэй байна. Өчигдөр хүн бүр ярьж байна.

Хүүхэд нь аль болох аймшгийн дүрд хувирахыг хүсч байна гэнэ. Цус нөж, хутга заазуур, үхдэл гээд монголчуудын цээрлэдэг бүхнийг одоо хүүхдүүд хар нялхаасаа сайхан зүйл мэтээр ойлгож эхэлж байна. Дөрвөн настай хүүхэд хүртэл араатан болохыг хүсэж байна шүү дээ. Аймшгийн хувцас өмссөн хүүхэд яаж сайхан юм бодох вэ. Аль болох л муухай зүйл боддог юм байна.

Өчигдөр энэ баярт өдөр нь боллоо. Сургууль, цэцэрлэг болгон шахуу тэмдэглэлээ.  Тавдугаар сарын 30-ны орой сунс сүүдэр, цус сорогчийн хувцас хайсан эцэг эхчүүд дэлгүүр, гудамжаар дүүрэн хэслээ. Супермаркетуудад хүртэл эрэлт ихтэй байж зарим газарт  дууссан байна гэнэ. Өчигдөр АНУ-д найман хүнийг хөнөөсөн аймшигт хэрэг гарлаа. Энэ нь нөгөө Halloween  гэгч муу ёрын баяр гэгчээс үүдсэн бус уу.  Нөгөөтэйгүүр чихэр гуйж яваа нь яавч сайн зүйл биш. Гуйгаад болдог юм байна гэсэн сэтгэгдэл энэ хүүхдүүдэд зөв төлөвшил болох уу, сайд аа.