Италийн Сери А лигийн 2017-2018 шинэ улирал “хөшиг”-өө нээлээ. Улирлын салхийг хагалж лигийн аварга “Ювентус” болон топ дөрөвт багтсан “Наполи” клубүүд тус тусын өрсөлдөгчтэйгээ туллаа.

“Ювентус”-ын тухайд эхний тойрогт талбайдаа “Кальяри” клубыг хүлээж авч, 3:0-ээр буулгаж авлаа. Ингэснээр улирлыг тун ч өнгөтэй эхлүүлж байна. Тоглолтын 12 дахь минутад Манжукич тооны харьцааг нээсэн. Улмаар Дибала 45 дахь минутад нэгийг нэмсэн бол Игауин 66 дахь минутад гүйцээжээ.

Тэгвэл “Наполи” клубын хувьд “Верона”-гийн талбайд зочилж, 1:3-аар буулгаж авлаа. Тоглолтын 32 дахь минутад талбайн эздээс Супреан өөрийнхөө хаалганд авто гоол оруулсан. Харин 39 дэх минутад Милик нэгийг нэмсэн бол Гулям 62 дахь минутад гүйцээжээ. “Верона”-гаас нэр төрийн ганц гоолыг 83 дахь минутад Паццини оруулсан байна.