Францын Лиг1-ийн гуравдугаар тойргийн эхний тоглолт өнгөрсөн шөнө боллоо. Улирлыг амжилттай эхлүүлсэн “Монако” клуб энэ тойрогт “Метц” багийн талбайд зочиллоо. Энэ тоглолтод “Монако” өрсөлдөгчөө талбайд нь 0:1-ээр буулгаж авсан юм.

Тоглолтын хувь заяаг шийдсэн цорын ганц гоолыг 78 дахь минутад Фалькао оруулсан юм. Ингэснээр “Монако” 9 оноотойгоор хүснэгтийг тэргүүлж байна. Тэгвэл Фалькао эхний 3 тойрогт 5 гоол оруулж, мэргэн буучийн жагсаалтыг ганцаар тэргүүлж байна.

Мөн “Монако” клуб Лиг-1-т 15 тоглолт дараалан хожиж, рекород тогтоолоо. Өмнө нь “Бордо” клуб 2009 онд 14 тоглолт дараалан хожиж, дээд амжилт тогтоож байжээ.