“Монгол туургатан” олон улсын хүүхдийн спортын наадмын чөлөөт бөхийн тэмцээн Сонгинохайрхан дүүргийн спорт цогцолборт болж өндөрлөлөө. Долоо дахь удаагийн наадамд Монгол Улсын 54, ОХУ-ын Буриадаас 11, БНХАУ-ын ӨМӨЗО-ны 13, нийт 78 тамирчин хөвгүүд, охидын тус бүр долоо, нийт 14 жинд өрсөлдөв. Сүүлийн өдөр хөвгүүдийн 42, 50, 63, 100, охидын 43, 52, 60 кг-ын жингийн барилдаан болоход Монголын өсвөр үеийн тамирчид зургаан жинд аваргалсан.

Хөвгүүдийн 42 кг-д Налайх дүүргийн “Голомт” цогцолбор сургуулийн тамирчин М.Мөнхтөгөлдөр, 50 кг-д Буриадын Владимир Ринчинов, 63 кг-д Дархан-Уул аймаг, “Хасу-Мегастарс” клубийн тамирчин О.Сүлдхүү, 100 кг-д Баянхонгор аймгийн тамирчин Э.Батмагнай, охидын 43 кг-д “Женко” клубийн тамирчин Д.Отгонжаргал, 52 кг-д тус клубийн Б.Эрдэнэсувд, 60 кг-д БТСДуС-ийн Т.Оюун-Эрдэнэ нар жин тус бүртээ түрүүлсэн.

Ийнхүү Монголын өсвөр тамирчид нутгийн дэвжээн дээрээ 14 жингийн 12-т аваргаллаа. Харин үлдсэн хоёр алтыг нь буриад хөвгүүд авч нутаг буцахаар болж байна.

ХОЁР ДАХЬ ӨДРИЙН ДҮН:

Хөвгүүд

42 кг:

1. Мандахын Мөнхтөгөлдөр

2. Энхбаярын Мөнхжин

3. Тайвангийн Цэндсайхан (бүгд Монгол), Булат Цыренжаров (ОХУ)

50 кг:

1. Владимир Ринчинов (ОХУ)

2. Пүрвээгийн Дашцэрэн

3. Даваанямын Төрбаяр, Энхчимэгийн Цогжаргал (бүгд Монгол)

63 кг:

1. Олонбаярын Сүлдхүү

2. Баярмөнхийн Мөнхдаваа

3. Жигмидсүрэнгийн Далайдорж (бүгд Монгол), Оюунчуглаа (БНХАУ)

100 кг:

1. Энхтүвшингийн Батмагнай (Монгол)

2. Хүрэлбаатар

3. Ма Венчиан (хоёул БНХАУ), Павел Иванов (ОХУ)

Охид

43 кг:

1. Долгоржавын Отгонжаргал

2. Алтанцэцэгийн Отгонзаяа

3. Баатархүүгийн Хонгорзул, Түвшинжаргалын Энхжин (бүгд Монгол)

52 кг:

1. Бат-Эрдэнийн Эрдэнэсувд

2. Батцоожын Марал

3. Батчулууны Бямбажаргал, Мөнхбат Пүрэвтунгалаг (бүгд Монгол)

60 кг:

1. Тамирын Оюун-Эрдэнэ (Монгол)

2. Сүндарь

3. Лей Жин (хоёул БНХАУ), Батхуягийн Оюунгэрэл (Монгол)