Холливудын алдарт жүжигчин Дэниэл Крэйг “007” цуврал киноны Жэймс Бондын дүрээр эргэн ирэхээр болжээ. Тус киноны 2006 онд нээлтээ хийсэн цувралд анх Бондын дүрд тоглосноос хойш тэрбээр нийтдээ дөрвөн бүтээлд тоглосон байдаг.  Харин “007”-ын шинэ анги 2019 оны арваннэгдүгээр сарын 8-нд АНУ-ын кино театруудын дэлгэцнээ нээлтээ хийх бөгөөд Дэниэл Крэйг дахин Жэймс Бондын дүрээр эргэн ирэх ажээ.

Тэрбээр “The Late Show with Stephen Colbert” шоу нэвтрүүлэгт оролцох үедээ энэ талаар ярьсан байна. Хөтлөгч түүнээс дахин Жэймс Бондын цуврал кинонд тоглох уу гэж асуухад жүжигчин залуу “Тийм ээ” гэж хариулсан байна.