Дуучин, жүжигчин Селена Гомез Флорида мужийн Миамид болсон тоглолтынхоо үеэр тайзан дээрээ уйлжээ.

Учир нь дуучин бүсгүйн дотны найз гэгддэг Кристина Флорида мужийн Орландод  тоглолтоо хийж байхдаа  гэмт этгээдэд буудуулж амиа алдсан юм.  Уг хэрэг явдалтай холбогдуулан Селена тоглолтынхоо үеэр төгөлдөр хуур хөгжмийн ард сууж, “Кристина бид хоёр 14 настай байхдаа танилцаж билээ.

Би болоод миний эцэг эх түүнтэй гэрээ байгуулсан юм.  Тэр өөртөө маш их итгэлтэй охин байсан. Өөрийн гэсэн шүтдэг шашинтай, сайн сайхны төлөө залбирч ирсэн түүнд яагаад ийм юм тохиолдсоныг үнэхээр ойлгож чадахгүй нь. Гэхдээ би дараагийнхаа дуугаа түүндээ зориулмаар байна” хэмээгээд Hillsong Worship хамтлагийн “Transfiguration” гэх дуу болон “No Body” гэх дуугаа нулимс дуслуулан дуулжээ.