АНУ-ын Сангийн яамны Төрийн нарийн бичгийн дарга 54 настай Стивен Мнучин өөрөөсөө үе мултарсан бүсгүйтэй гэр бүл болжээ. Тэдний хуримын ёслол өнгөрөгч бямба гарагт нийслэл Вашингтон ДС хотноо болсон байна. Харин сүйт бүсгүй нь Шотланд гаралтай 36 настай жүжигчин Луйс Линтон аж.

Хосуудын хуримын ёслолд АНУ-ын Ерөнхийлөгч Доналд Трамп, тэргүүн хатагтай Мелания Трамп нар оролцсон байна.

Хуримын талаар албаныхан ихээхэн нууцалж байсан ч, сүйт бүсгүйн найз Уилбур Росс ам алдсанаар энэ талаарх мэдээлэл олон нийтийн хүртээл болжээ. Доналд Трамп энэхүү ёслолд хар хослол өмссөн бол Милания дизайнер Жиллес Менделийн урласан ягаан торгон даашинзаар гоёсон байна. Хуримд тэднээс гадна дэд Ерөнхийлөгч Майкл Пенсе нарын 300 орчим Д.Трампын кабинетын гишүүд оролцсон гэнэ. 

Жүжигчин бүсгүй энэ удаа хоёр дахь удаагаа гэрлэж буй бол Стивен Мнучины гурав дахь гэрлэлт юм.