Энэ улиралд Европын тавцанд тун ч давгүй тоглосон “Монако” клубын довтлогч Килиана Мбаппегийн төлөө Испанийн “Реал Мадрид” болон Английн багууд өрсөлдөж байгаа билээ. “Реал” одоогоор түүнийг авах магадлал хамгийн өндөр байна. Учир нь Эзэн хааны баг өдгөө 18 настай довтлогчийн төлөө 135 сая евро санал болгочихоод байгаа аж.

Radio Montecarlo-гийн мэдээлж байгаагаар Английн “Манчестер Юнайтед” 130, “Манчестер Сити” 120 сая еврогийн санал тавьж байгаа юм байна. “Арсенал” ч гэсэн түүний төлөөх өрсөлдөөнөөс хоцроогүй. “Их буучид”-ын дасгалжуулагч Арсен Венгер Франц руу гүйдэлтэй болсон аж.

“Монако” Мбаппегийн төлөө 100 сая еврогийн санал тавихад нь “Арсенал”-д зөвшөөрөөгүй. Тиймээс одоо 110 сая фунт буюу 126 сая еврогийн санал тавина хэмээн Daily Mail мэдээлжээ.