Гавьяат тамирчин Э.Содномпилжээ дээд амжилтаа шинэчлэв
"Чандмань илч” хэмнэлтийн горимд шилжив
Дорноговь аймгийн Засаг даргын орлогч бөгөөд аймгийн Эрчим хүчний зохицуулах зөвлөлийн дарга Г.Эрдэнэцэцэг "Чандмань-Илч" ОНӨ ХХК-ий эрчим хүч, дулаан түгээх дамжуулах үйл ажиллагаатай танилцлаа.
Уулзалтаар "Чандмань-Илч" ОНӨ ХХК-ий дарга Т.Азбаяр компанийнхаа үйл ажиллагаа болон зардал хэмнэлтийн горимд шилжин ажиллаж байгаа талаар танилцуулсан юм.
Тус компани нь 2016 оны есдүгээр сараас эхлэн үйлдвэрлэлийн гол зардал болох нүүрс, эрчим хүч, шатахууны зардлыг хэмнэх ажлуудыг зохион байгуулжээ. Мөн эрчим хүч хэмнэх ажлын хүрээнд хэмнэлтийн менежерийн орон тоог шинээр бий болгож, бусад аймгуудаас туршлага судлан давтамж хувиргагч төхөөрөмжийг нэвтрүүлж, цахилгааныг 20-30 хувь буюу 450 мянган кВт-аар хэмнэсэн байна.
Мөн дулаан буюу нүүрс хэмнэх ажлын хүрээнд орон нутгаас нүүрс олборлодог компаниудаас хавар, намартаа хэрэглэх боломжит нүүрсийг ашиглаж, тодорхой хэмжээний зардал хэмнэсэн бол шатахуун нийлүүлэх тендер, салаа зам ашиглалтын тендерүүдийг тус тус зарлах замаар зардлыг хэмнэн ажиллаж байгаа ажээ.
Хэмнэлтийн горимд шилжин ажилласнаар тус компани нь 2016 оны намар 1.8 тэрбум төгрөгийн өртэй байсан бол өнөөдрийн байдлаар 800 гаруй сая төгрөгийн өр төлбөрийг барагдуулсан байна.
.jpg)
Н.Батзаяа
МЭДЭЭНИЙ СЭТГЭГДЭЛ
ХОЛБООТОЙ МЭДЭЭ
Веб сайтад агуулагдсан мэдээлэл зохиогчийн эрхийн хуулиар хамгаалагдсан тул зөвшөөрөлгүй хуулбарлах хориотой.
Copyright © MMINFO.MN All Rights Reserved. Powered by HUREEMEDIA.