ОХУ-ын Ерөнхийлөгч В.Путин БНХАУ-ын Бээжин хотноо төгөлдөр хуур тоглож, авьяас чадвараа харуулжээ. Тэрбээр, БНХАУ-ын дарга Си Зиньпиний санаачилсан “Нэг бүс, нэг зам” олон улсын хамтын ажиллагааны дээд хэмжээний уулзалтад оролцож байгаа юм. Уулзалт өнөөдөр өндөрлөнө.

Харин өчигдөр БНХАУ, ОХУ-ын төрийн тэргүүн албан ёсны уулзалт хийсэн аж. Тэгвэл уулзалтаас өмнөхөн буюу Си даргыг хүлээх зууртаа В.Путин уулзалтын өрөөнд байсан төгөлдөр хуурыг дарж, авьяас чадвараа гайхуулаад амжжээ.

ОХУ-ын төрийн тэргүүн хуучин ЗХУ-ын үеийн  “Московские окна” зэрэг хоёр дууны аяыг дарсан байна. Түүний энэхүү бичлэгийг Оросын телевизүүд дамжуулжээ.

В.Путин өмнө нь өвчтэй хүүхдүүдэд туслах хандивын тоглолтод төгөлдөр хуур хөгжим дарж байсан удаатай гэнэ.