Их Британийн хатан хаан хоёрдугаар Элизабетын нөхөр, ирэх сард 96 насны босго алхах хунтайж Филипп  тэтгэвэртээ гарах гэнэ. Энэ талаар тус улсын хааны ордноос өчигдөр мэдээллээ.

Өчигдөр өглөө Лондон хотын төв Букимгены ордонд сурвалжит язгууртнууд цугларан яаралтай хурал нээжээ. Хурлын дараа дээрх мэдэгдлийг хийсэн байна.

Мэдэгдэлд хунтайж Филипп наймдугаар сар хүртэл олон нийтийн ажилд оролцох хэдий ч, түүнээс хойш гавьяаныхаа амралтад суух гэнэ. Тэрбээр одоогоор Хүндэт ерөнхийлөгчөөс эхлээд 780 гаруй байгууллагад ажилладаг бөгөөд намраас бүх ажлаасаа чөлөөлөгдөн, тэтгэвэртээ суух ажээ.

Хунтайж Филипп 1947 оны арваннэгдүгээр сард Хатан хаан хоёрдугаар Элизабеттай гэрлэсэн байдаг. Түүнээс хойш 70 орчим жил олон нийтийн үйл хэрэгт оролцон, хатан хааныг дэмжиж, тусалж иржээ.