“Манчестер Юнайтед” Погбад жилийн 13 саяын цалин өгөхөөр тохиролцжээ
Английн алдарт “Манчестер Юнайтед” клуб Италийн “Ювентус” клубын хагас хамгаалагч Пол Погбатай зарчмын хувьд тохиролцоонд хүрсэн байна. Gianlucadimarzio.com-ийн мэдээлж байгаагаар Английн баг өдгөө 23 настай Францийн шигшээ багийн тамирчинд жилийн 13 сая еврогийн цалин өгөхөөр санал хүргүүлж, Погба ч зөвшөөрчээ.
“Манчестер Юнайтед” Погбагийн төлөө “Ювентус”-т 120 сая евро төлөхөөр болж, дэлхийн хөлбөмбөгийн түүхэн дэх хамгийн өндөр үнийг тогтоогоод байгаа юм. Хөлбөмбөгийн түүхэн дэх хамгийн өндөр үнэтэй хөлбөмбөгчний алдрыг Гарет Бейл эзэмшдэг. Түүнийг “Реал Мадрид” клуб 2013 онд “Тоттенхэм”-ээс 100 сая еврогоор авч байсан билээ.
Тэгвэл Погба дөрвөн жилийн “Манчестер Юнайтед”-аас “Ювентус” руу чөлөөт агентын хувиар явж байсан билээ. Тэгвэл одоо эргүүлээд 120 сая еврогоор авч байгаа юм.
МЭДЭЭНИЙ СЭТГЭГДЭЛ
ХОЛБООТОЙ МЭДЭЭ
Веб сайтад агуулагдсан мэдээлэл зохиогчийн эрхийн хуулиар хамгаалагдсан тул зөвшөөрөлгүй хуулбарлах хориотой.
Copyright © MMINFO.MN All Rights Reserved. Powered by HUREEMEDIA.
