АНУ-ын Кока Кола компани алдартай хөрөнгө оруулагч, тэрбумтан Уаррен Баффеттын хөрөг бүхий “Черри коке” ундаагаа БНХАУ-ын зах зээлд борлуулж эхэлжээ.

Уаррен Баффет БНХАУ-д алдартай нэгэн бөгөөд интоорын амтат кока коланд тун дуртай аж. Тийм ч учраас өнгөрсөн сарын 10-наас эхлэн интоортой кола урд хөршийн зах зээлд худалдаалагдаж эхэлсэн байна.

Уаррен эдүгээ Беркшире Хатавэй гэх хөрөнгө оруулалтын компанийн гүйцэтгэх захирлаар ажилладаг бөгөөд кока кола компанийн 9.3 хувь буюу ойролцоогоор 17 тэрбум ам.долларын хувьцааг эзэмшдэг байна. Энэ утгаараа тус компанийн хамгийн том хувьцаа эзэмшигч гэсэн үг.