11 гишүүн гадаадад томилолтоор явж чуулганы хуралдааныг “таслав”
УИХ-ын хаврын чуулган өнөөдөр 10.00 цагаас албан ёсоор нээлтээ хийлээ. Хуралдааныг УИХ-ын дарга М.Энхболд нээсэн бол Монгол Улсын Ерөнхийлөгч Ц.Элбэгдорж бүрэн эрхийн хугацааны хамгийн сүүлийн чуулганд оролцож үг хэллээ.
Жилийн жилд хавар, намрын чуулган эхлэхэд УИХ-ын гишүүд ирцээ 100 хувь бүрдүүлдэг уламжлалтай. Гэвч өнөөдрийн чуулганд нэлээдгүй олон гишүүд ирсэнгүй. Ихэнхи нь гадаадад томилолттой гэсэн шалтгаанаар хуралдаа ирсэнгүй. Тухайлбал, УИХ-ын гишүүн Т.Аюурсайхан, О.Баасанхүү, Л.Болд, Ц.Даваасүрэн, Д.Мурат, Б.Наранхүү, Н.Оюундарь, А.Сүхбат, Н.Энхболд, Ж.Энхбаяр, Б.Энх-Амгалан нарын гишүүд гадаадад томилолттой гэсэн шалтгаанаар ажилдаа ирсэнгүй.
Харин өчигдөр Бурхан Халдун уулнаа гарч монголчуудын төлөө залбирал үйлдэхээ мэдэгдсэн УИХ-ын гишүүн С.Жавхлан орон нутагт томилолттой. УИХ-ын гишүүн С.Батболд эмнэлгийн чөлөөтэй гэсэн шалтгаанаар ирээгүй байна. Харин УИХ-ын гишүүн Ш.Раднаасэд шалтгаангүйгээр хурлаа тасалжээ.
МЭДЭЭНИЙ СЭТГЭГДЭЛ
ХОЛБООТОЙ МЭДЭЭ
Веб сайтад агуулагдсан мэдээлэл зохиогчийн эрхийн хуулиар хамгаалагдсан тул зөвшөөрөлгүй хуулбарлах хориотой.
Copyright © MMINFO.MN All Rights Reserved. Powered by HUREEMEDIA.
