Германы “Боруссия Дортмунд” клуб “Наполи” болон Словакийн шигшээ багийн хагас хамгаалагч Марк Хамшекийг авахаар төлөвлөж байгаа ажээ. Эсвэл “Вольфсбург” клубээс Андрей Шюррлейг авахыг хүсч байгаа юм байна.  Энэ хоёр тоглогчийн нэгийг нь авах нь тэдний зуны солилцоо наймааны зорилго аж.

Харин эх сурвалжийн мэдээлж байгаагаар “Наполи” Хамшекийг зарахыг хүсэхгүй байгаа аж. Тэгээд ч “Атлетико”, “ПСЖ” болон “Челси” клубүүд сонирхож байгаа юм байна. Хамшек өнгөрсөн улиралд Сери А лигт 38 тоглолтод оролцож, 6 гоол оруулж, 11 гоолын дамжуулалт өгчээ.