БНСУ-ын хорио цээр, халдвартай тэмцэх газраас 11 дүгээр сарын 19-ний өдрийн нислэгээр БНСУ руу богино хугацааны визтэй зорчигч зорчихыг хориглосон шийдвэр гаргасан байна. Тиймээс тус улс руу явах тасалбар захиалсан иргэдийн тасалбарын мөнгийг буцааж олгох юм.

Ингэхдээ буцаалтыг 1-3 сарын дотор олгох бөгөөд 40 амдоллар суутгаж авахыг МИАТ компаниас мэдээлсэн. Тодруулбал, "БНСУ-ын зүгээс түр хугацааны визтэй зорчигч хүлээж авахгүй гэсэн шаардлага тавьсан. Тиймээс тасалбар захиалсан иргэдийн мөнгийг 1-3 сарын дотор буцааж олгоно. Түүнчлэн манай компаниас шалтгаалж нислэг цуцлагдаагүй учир тийз захиалсан иргэдээс 40 амдоллар суутгана. Энэ нь манай дотоод журам" гэсэн мэдээлэл өгөөд байсан юм.

Тэгвэл тасалбар захиалсан иргэдээс 40 ам.доллар суутгаж авах шийдвэрийг цуцалжээ. Энэ талаар тус компаниас "Тасалбар захиалсан иргэдээс 40 доллар суутгаж авахааргүй болсон. Суутгалын төлбөр авахгүй гэх шийдвэр сая гарлаа. Гэхдээ иргэдийн мөнгийг 1-3 сарын дотор буцааж олгоно" гэсэн юм.