Ч.Хүрэлбаатар: 40 жилийн хугацаанд төлж барагдуулах ба түрээслээд эзэмших хэлбэрээр 7009 айлыг орон сууцжуулна

Ч.Хүрэлбаатар: 40 жилийн хугацаанд төлж барагдуулах ба түрээслээд эзэмших хэлбэрээр 7009 айлыг орон сууцжуулна

Гэр хорооллыг орон сууцжуулах Солонго 1, Солонго 2 төслийн гэрээнд гарын үсэг зурж байна. БНСУ-аас манай улсад олгох 700 сая долларын нэн хөнгөлөлттэй зээлээр түрээсийн орон сууцны "Солонго-1", "Солонго-2" хорооллыг Хан-Уул дүүргийн 10-р хорооны нутаг дэвсгэрт барих юм. Мөн энэхүү зээлийн хөрөнгөөр Баянголын аманд түрээсийн орон сууцны хороолол барина.

ТОСК-иас хэрэгжүүлж буй эдгээр гурван төслийн хүрээнд баригдах хорооллуудад 7000 гаруй айл түрээсийн орон сууц хөтөлбөрт хамрагдан оршин суух боломжтой болох юм.

БНСУ-аас 40 жилийн хугацаатай нэн хөнгөлөлттэй зээл авч байгаа учраас үүнийг зорилтот бүлгийн иргэдийг түлхүү хамруулсан төсөл хөтөлбөрт зориулах нь зүйтэй гэж үзэн түрээсийн орон сууцны хорооллууд барихад зарцуулахаар болжээ.

Энэ талаар сангийн яамнаас мэдээлж байна. Өнөөдөр Сангийн сайд Ч.Хүрэлбаатар, БНСУ-ын Экспорт-Импорт банкийг төлөөлж Ли Дү-Хён, Элчин сайд Ли Ё Хун нар дараах томоохон хэлэлцээрт гарын үсэг зурлаа.

Энэ үеэр Сангийн сайд Ч.Хүрэлбаатар "Гэр хорооллыг орон сууцжуулах Солонго-1, Солонго-2, Баянголын аман дахь орлогод нийцсэн орон сууцны хорооллын гурван төсөл бий. Дөрөв дэх нь ШШГЕГ-т цахимаар хяналт тавих төслийн 15 сая ам.долларын зээлийн гэрээнд гарын үсэг зурлаа. 40 жилийн хугацаанд төлж барагдуулах ба түрээслээд эзэмших хэлбэрээр 7009 айлыг орон сууцжуулна. Үүнд сан байгуулж эргээд зээлээ төлөх хэлбэрээр төлнө. Нэгэнт Засгийн газрын гарын үсэг зурсан баримт бичиг тул төсөл цаашдаа хэрэгжээд явах учиртай.

Нийслэлийн орон сууцны корпорацын захирал Б.Сүхбаатар" Ийнхүү гарын үсэг зурагдсанаар Солонго-1, Солонго-2 төслийн хүрээнд 7000, Баянголын аманд баригдах барилгын 2000 айлын орон сууцыг барих боломжтой боллоо. Одоо зураг төслийн ажилдаа орно. Барилгы газрыг авчихсан, газар чөлөөлөх асуудал байхгүй. Барилгыг 4 жилийн хугацаанд барьж дуусгах бөгөөд орон сууцанд орох айлуудын сонгон шалгаруулалтын тухай ярихад эрт байна"гэв.

ХОЛБООТОЙ МЭДЭЭ
МЭДЭЭНИЙ СЭТГЭГДЭЛ

АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.