Ө.Энхтүвшин: Цагаан сарын баярыг тэмдэглэхгүй байхыг дэмжиж байна. Ерөнхийлөгч зарлиг гаргах байх

Ө.Энхтүвшин: Цагаан сарын баярыг тэмдэглэхгүй байхыг дэмжиж байна. Ерөнхийлөгч зарлиг гаргах байх

Улсын онцгой комисс хуралдаж, шийдвэрээ гаргалаа. Комиссын дарга, Шадар сайд Ө.Энхтүвшин "Шинэ коронавирусээс урьдчилсан сэргийлэх зорилгоор сар шинийн баярыг тэмдэглэхгүй байх саналыг Улсын онцгой комиссын гишүүд дэмжиж байгаагаа илэрхийллээ. Тиймээс Цагаан сарын баярыг тэмдэглэхгүй байх саналыг холбогдох байгууллага, албан тушаалтнуудад нь шилжүүлэхээр боллоо. Ерөнхийлөгчийн зарлиг гарах ёстой байх гэж бодож байна.

Хоёрдугаарт, нэн хэрэгцээтэй байгаа эмнэлгийн хэрэгсэл худалдаж авах зардлыг 2020 оны төсөвт зохицуулалт хийх замаар гаргахыг төсвийн ерөнхийлөн захирагч нарт зөвшөөрөхийг Сангийн сайд Ч.Хүрэлбаатарт даалгаж байна.

Гуравдугаарт, БНХАУ-аар дамжин ирж буй иргэдэд анхаарал хандуулахыг Эрүүл мэндийн сайдад үүрэг болгож байна. Халдвар илэрсэн тохиолдолд Халдварт өвчин судлалын үндэсний төв, Цэргийн госпитал, ОБЕГ-ын харьяад байгаа сувилалыг ашиглана. Алийг нь эхэлж ашиглахаа тухайн байгууллагууд ярилцаад шийдвэрээ гаргана.

Дөрөвдүгээрт, Шивээхүрэн, Гашуунсухайтын боомтоор хийгдэж буй нүүрсний тээвэрлэлтийг гуравдугаар сарын 2 хүртэл зогсоохоор боллоо.

Тавдугаарт, Батлан хамгаалах яамны харъяа Бөртэй, цэргийн 288 дугаар анги, ШШГЕГ, ЦЕГ-ын оёдлын үйлдвэрүүдэд амны хаалт оёж хангалтыг нэмэгдүүлэх шийдвэр гаргалаа" гэв. 

ХОЛБООТОЙ МЭДЭЭ
МЭДЭЭНИЙ СЭТГЭГДЭЛ

АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.