Э.Бат-Үүлийг Ерөнхийлөгчийн нэр төрд халдсан хэргээр шүүнэ

Э.Бат-Үүлийг Ерөнхийлөгчийн нэр төрд халдсан хэргээр шүүнэ

Улаанбаатар хотын дарга асан Э.Бат-Үүлийг өнөөдөр хүний нэр төрд халдсан эсэх асуудлаар шүүнэ.

Тодруулбал, Өнгөрсөн зургаадугаар сард Хотын дарга асан Э.Бат-Үүл "Ерөнхийлөгчийн шинэ томилгооны учир тодорч байна" гэх нэртэй нийтлэл бичиж, олон нийтийн сүлжээнд байршуулсан байдаг. Харин тэрхүү нийтлэлийг нь Монгол Улсын Ерөнхийлөгч Х.Баттулга, Ерөнхийлөгчийн Тамгын газрын дарга З.Энхболд нар гүтгэлэг хэмээн үзэж, хуулийн байгууллагад хандсан билээ.  Харин Сүхбаатар дүүргийн цагдаагаас дээрх гомдлыг гүтгэлэг хэмээн үзсэн. Өөрөөр хэлбэл, Хотын дарга асан Э.Бат-Үүлийг төрийн тэргүүнийг гүтгэсэн гэж үзэж, түүнийг Зөрчлийн хуулийн 6.21-т зааснаар дөрвөн сая төгрөгөөр торгох шийдвэрийг гаргасан.

Тэгвэл Хотын дарга асан Э.Бат-Үүл дээрх шийдвэрийг үндэслэлгүй хэмээн үзэж, торгуулийг хүчингүй болгуулах өргөдлөө Сүхбаатар дүүргийн Эрүүгийн хэргийн анхан шатны шүүхэд гаргасан юм. Дээрх хэргийн шүүх хурал өнөөдөр 14:00 цагт хэлэлцэх юм. Хэрвээ шүүх хуралд оролцогчид шүүх хурлыг хойшлуулах хүсэлт гаргахгүй бол Сүхбаатар дүүргийн эрүүгийн хэргийн анхан шатны шүүхээс торгуулийг хэвээр үлдээх  эсвэл хүчингүй болгох шийдвэрийн аль нэгийг нь гаргах аж.

ХОЛБООТОЙ МЭДЭЭ
МЭДЭЭНИЙ СЭТГЭГДЭЛ

АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.