Монгол, бичгийн шалгалт эхэллээ

Монгол, бичгийн шалгалт эхэллээ

Ерөнхий боловсролын сургууль төгсөгчдийн элсэлтийн ерөнхий шалгалт өнөөдөр /2019.03.23/ эхэлж байна. Шалгуулагчид суудлын хуваариа өөрийн регистрийн дугаарыг ашиглан гуравдугаар сарын 11-23-ны хооронд www.eec.mn цахим хуудасны “Шалгуулагчийн булан”-аас хэвлэн авсан байх ёстой юм. Монгол хэл, бичгийн шалгалтын дүн, оноог ирэх сарын 1-ний дотор http://www.eec.mn цахим хаягт байршуулах бол батламж хуудсыг 2019 оны тавдугаар сарын 6-аас эхлэн тараах юм. Боловсролын үнэлгээний төвөөс Их дээд сургуульд элсэгчдээс заавал авах Монгол хэл бичгийн шалгалтын босго оноог 400 байхаар тогтсон билээ. Энэ удаагийн шалгалтад тэнцээгүй тохиолдолд ирэх сарын 20-нд дахин шалгалтыг зохион байгуулна. Хэрэв хоёр удаагийн шалгалтад босго оноондоо хүрч чадахгүй бол Их дээд сургуульд элсэх боломжгүй. Гэхдээ элсэлтийн ерөнхий шалгалтаа өгөх эрх нь нээлттэй гэж Боловсролын үнэлгээний төвөөс мэдээлж буй.

ХОЛБООТОЙ МЭДЭЭ
МЭДЭЭНИЙ СЭТГЭГДЭЛ

АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.