Ц.Нямдорж: Энэ улсыг Украйн болгох зам руу яваад байна

Ц.Нямдорж: Энэ улсыг Украйн болгох зам руу яваад байна

УИХ-ын чуулганы өнөөдрийн хуралдаан эхлээгүй л байна. Уг нь хэлэлцэх асуудал түм бумаараа байгаа нь тодорхой. Ер нь энэ намрын чуулган хуулийн төсөл хэлэлцсэнгүй. Хааяа нэг цуглангуутаа огцруулах гэх мэт сандал суудлын тухай л ярив.

Өчигдөр гэхэд үдээс өмнөх чуулганаар Ашигт малтмалын тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн Ашигт малтмалын тухай хуульд нэмэлт, өөрчлөлт оруулах тухай хуульд өөрчлөлт оруулах тухай хуулийн төслийн хэлэлцэх эсэх асуудлыг хэлэлцэх байв.

УУХҮ-ийн сайд Д.Сумъяабазар танилцуулсан уг хуулийн төсөлтэй холбогдуулан УИХ-ын гишүүн Б.Пүрэвдорж завсарлага авах санал гаргасан. Ингээд хуулийн төсөл хэлэлцэгдсэнгүй.

Өчигдрийн хуралдааны үеэр УИХ-ын гишүүн Ц.Нямдорж “М.Энхболд оо, танд зөндөө хэлсэн. Нэг удаа ч биш бүтэн жилийн турш ярьж байна. Таныг 50 хувь нь эсэргүүцээд энэ танхимаас гарчхаад байхад яаж цааш нь удирдах гээд байгаа юм. Нэг хүний албан тушаалтай тэнцэх УИХ гэж байхгүй шүү. УИХ-ын дарга гэдэг юмыг чинь би өгч үзсэн хүн. УИХ-ын даргын албан тушаалаас болж УИХ-ын нэр хүнд сэвтэх ёсгүй. Нөхрийн ёсоор би М.Энхболдод хэлж байсан. Жилийн өмнө хэлж байсан. Энэ улсыг Украйн болгох зам руу яваад байна. Ийм замаар явуулахгүйн тулд би тэмцэнэ” гэлээ. Түүний тэвчээр мөн барагдаж байгаа бололтой.

 

ХОЛБООТОЙ МЭДЭЭ
МЭДЭЭНИЙ СЭТГЭГДЭЛ

АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.