С.Амарсайхан: Асуудлуудыг эхнээс цэгцэлж "мухарлах" хэрэгтэй

 С.Амарсайхан: Асуудлуудыг эхнээс цэгцэлж

Төрийн байгууллагын үйл ажиллагааны нээлттэй, ил тод байдлыг хангах, ёс зүйтэй төрийн албыг төлөвшүүлэх, авлигаас урьдчилан сэргийлэх ажилд олон нийтийн, хяналт, оролцоог нэмэгдүүлэх зорилгоор Авлигаас урдчилан сэргийлэх дэд зөвлөлийг байгуулж АТГ, Гэмт хэргээс урьдчилан сэргийлэх зөвлөл хамтран ажиллах гурвалсан гэрээ үзэглэв. Ингэснээр нийслэлийн төр захиргааны байгууллагын бүх шатны үйл ажиллагааг олон нийтэд ил тод болгох, авлига, хээл хахуульгүй, төрийн захиргааны байгууллагуудын үйл ажиллагааг явуулахад чиглэсэн арга хэмжээнүүдийг зохион байгуулах юм. 

Хамтарсан гарын үсэг үзэглэх үеэр НИТХ-ын дарга, Гэмт хэргээс урдчилан сэргийлэх зөвлөлийн дарга С. Амарсайхан: 

-Нийслэлийн төрийн байгууллагуудын үйл ажиллагаа шат шатандаа харьцангуй нээлттэй байгаа боловч илүү нээлттэй , ил тод болгох шаардлагатай. Тухайлбал нийслэлийн хэмжээнд олны анхааралд өртсөн, онцгой анхаарал татсан нийслэлийн төр захиргааны байгууллагын шат шатны албан тушаалуудыг наймаалцах, зарах, худалдах тухай "60 тэр бум"-ын асуудал хүртэл бий. Гэвч энэ хэргүүд үнэхээр болсон эсвэл болоогүй юу гэдэг нь эцэслэн тогтоогдоогүй, тодорхой болгох ёстой үргэлжлүүлэх хийх ажлууд ч бий.

 Ингэснээр нийслэлийн төр захиргааны байгууллагууд төдийгүй төрийн бүх шатны ажилтан, албан тушаалтнуудын өмнө энэ мэдээлэл тодорхой болохоос эхлээд цаашид төрийн албан хаагчид ямар сахилга, баттай, мэргэжлийн ёс зүйгээ хэрхэн сайжруулж ажиллах вэ гэдэг дээр хүртэл тодорхой нөлөө үзүүлэх ёстой. Иймд асуудлуудыг зүгээр нэг болсон юм шиг эсвэл болоогүй юм шиг, шийдэгдсэн, шийдэгдээгүй нь мэдэгдэхгүйгээр хаяхгүйгээр эхнээс нь цэгцлэх ажлыг "мухарлаж" явах ёстой. 

Цаашлаад энэ гэрээний хүрээнд нийслэлд явагдаж байгаа бүх, тендэр, худалдан авах үйл ажиллагаанаас эхлүүлээд бүх шатны ажлыг сүүлийн үеийн мэдээллийн технологи, технологийн шийдэл дээр үндэслэн бид иргэдэд илүү нээлттэй ил тод болгоно . Өөрөөр хэлбэл төрийн захиргааны байгуллагын нууцын мэдээлэээс бусад бүх төрлийн мэдээллийг иргэдэд нээлттэй болгож тендэр, сонгон шалгаруулах ажлыг ил тод явуулах арга хэмжээг зохион байгуулах шааардлага байна гэлээ гэж НИТХ-ын хэвлэлийн төлөөлөгч мэдээллээ.

ХОЛБООТОЙ МЭДЭЭ
МЭДЭЭНИЙ СЭТГЭГДЭЛ

АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.