Израилийн  зэвсэгт хүчин  Газын зурвас дахь дүрвэгсдийн Жебалия лагерь луу буудаж байгааг цэргийн гэмт хэрэг гэж үзэж болно хэмээн НҮБ-ын Хүний эрхийн асуудлаарх дээд комиссарын газар мэдэгдсэн байна. 

“Израилийн арми дүрвэгсдийн Жебалия лагерь луу агаараас цохилт өгсний дараа их хэмжээний эвдрэл сүйрэл болж, энгийн иргэдээс олон арван хүн амь үрэгдсэнд бид сэтгэл зовж, энэ дайралт нь магадгүй цэргийн гэмт хэрэг байж болох юм гэж үзэж байна” хэмээн тус байгууллагаас Х сүлжээнд байрлуулсан мэдээлэлд дурджээ. 

Үүний өмнө Газын Дотоод хэргийн яам ч бас Жебалия лагерь луу агаараас довтолсны уршгаар 400 орчим хүн алагдаж шархадсан гэж мэдээлсэн юм. Израилийн армийн төлөөлөгч Ричард

Хехт ч бас ХАМАС  бүлэглэлийн командлагчийг устгахын тулд дүрвэгсдийн лагерь луу дайрсан гэж мэдэгджээ.  Тэрбээр,  энгийн иргэд амь үрэгдсэн нь эмгэнэл, гэхдээ энэ бүхний хариуцлагыг палестины хөдөлгөөний удирдагчид хүлээх ёстой гэсэн байна. 

Израилийн арми аравдугаар сарын 1-нд ахиад дүрвэгсдийн лагерь луу дайрлаа гэж WAFA агентлаг мэдээллээ. Агентлагийн сурвалжлагчийн мэдээлснээр бол лагерийн байрлал руу арав гаруй пуужин харвасны улмаас хэдэн арван хүн амь үрэгджээ. 

НҮБ-ын Хүний эрхийн асуудлаарх дээд комиссарын газрын хэвлэлийн нарийн бичгийн дарга Равина Шамдасани энэ тухайд Израиль улс Газын зурвасыг бүслэн хааж, хүн ам шигүү суурьшсан газрыг бөмбөгдөж байгаа нь цэргийн гэмт хэрэг гэжээ. 

Эх сурвалж: Монголын Мэдээ Сонин

2023 оны арваннэгдүгээр сарын 03. Баасан. №168 (5896)