Мэргэжлийн сүмогийн арваннэгдүгээр сарын тэмцээн буюу кюүшюү башё арав дахь өдрөө өчигдөр болж өндөрлөлөө.

Тус башёд Ёкозүна Хакүхо М.Даваажаргал, Ёкозүна Какүрюү Ананд хоёр аварга хоёулаа гэмтлийн улмаас зодоглоогүй бөгөөд монгол бөхчүүдээ манлайлж Тэрүнофүжи Г.Ган-Эрдэнэ комүсүби цолтойгоор барилдаж байна. Тэрбээр өчигдөр маэгаширагийн 4-өөс барилдаж байгаа Тобизарютэй барилдаж давлаа. Улмаар найман даваа хоёр унаатай болсноор качигоши хийлээ. Өнөөдөр түүний өрсөлдөгч нь маэгаширагийн 5-аас барилдаж байгаа Мигорютэй барилдана.

Одоогоор башёг озеки Такакейшо, М-17 Шиманоуми нар нэг унаатайгаар тэргүүлж байгаа бол комүбүби Тэрүнофүжи, М-6 Такарафүжи, М-10 Рюдэн нар хоёр унаатайгаар араас нь нэхэж байна.

Ёкозүна Хакүхо М.Даваажаргал
Ёкозүна Какүрюү Ананд
Комүсүби Тэрүнофүжи Г.Ган-Эрдэнэ 8-2
Маэгашира-1 Кирибаяма Б.Лхагвасүрэн 1-9
Маэгашира-6 Тамаваши Мөнх-Оргил 6-4
Маэгашира-13 Хошорюү С.Бямбасүрэн 6-4
Маэгашира-13 Ичиножу А.Ичинноров 3-7
Маэгашира-16 Чиёошома Г.Мөнхсайхан 6-4