NBA-ын талбайд 6 тоглолт боллоо. Өнөөдрийн эхний тоглолт Финикс Санс баг Индиана Пэйсэрс багтай тоглож 114-99 харьцаагаар Санс хожлоо. Тэд "Орлондо"-д ирсэнээсээ хойш хожигдлыг амсаагүй хоёр багийн нэг бөгөөд 4 дараалж хожоод байна. Улмаар 30 хожил, 39  хожигдолтой болж өрнөд бүсийн 10-рт бичигдэж байна. Тэдний өмнө 9-рт Портлэнд трэйл блэйзэрс 32-38, 8-рт Мемфис Гриззоис 32-37 байна.

Тус тоглолтод Дэвин Бүүкэр 20 оноо, 10 дамжуулалтаар багаа тэргүүлсэн бол ДэАндре Эйтон 23 оноо, 10 самбараас бөмбөг авчээ. Эсрэг багаас Малколм Брогдон 25 оноог авчээ.