Ч.Номин: Одоогоор наадмын контентуудад хэдий хэмжээний зардал гарсан нь тодорхойгүй байна
Засгийн газрын ээлжит бус хуралдаанаас гаргасан шийдвэрийг танилцуулж байна. Тус хуралдаанаар коронавирусийн тархалтын эрчим нэмэгдсэнтэй холбогдуулан цахим наадмыг нэг жилээр хойшлуулах шийдвэр гаргалаа. Үндэсний их баяр наадмыг хойшлуулсантай холбоотой бүх орон нутагт тэмдэглэх баяр наадмыг нэг жилээр хойшлуулав. Баяр наадмыг хойшлуулсантай холбоотой хэмнэгдсэн зардлыг эрүүл мэндийн салбарт зарцуулах чиглэлийг Ерөнхий сайд өгсөн байна.
Баяр наадмыг нэг жилээр хойшлуулсан ч наадмаар үргэлжлүүлэн 9 хоног амрах Засгийн газрын шийдвэр хэвээрээ байна.
-Баяр наадмын нээлт, хаалтын арга хэмжээнд одоогоор хэдий хэмжээний зардал гараад байна вэ? гэсэн сэтгүүлчийн асуултад Соёлын сайд Ч.Номин хариулав.
Тэрбээр, Баяр наадмын үйл ажиллагааны зардлуудыг НЗДТГ-т шилжүүлсэн байдаг тул бүх зардлууд хотын захиргаанаас зарцуулагдаж байгаа. Одоогоор наадмын контентуудад хэдий хэмжээний зардал гарсан нь тодорхойгүй байна. Наадмын контентийг хийсэн хэмжээнд цэгцлээд олон нийтэд хүргэх болно гэлээ.
МЭДЭЭНИЙ СЭТГЭГДЭЛ
ХОЛБООТОЙ МЭДЭЭ
Веб сайтад агуулагдсан мэдээлэл зохиогчийн эрхийн хуулиар хамгаалагдсан тул зөвшөөрөлгүй хуулбарлах хориотой.
Copyright © MMINFO.MN All Rights Reserved. Powered by HUREEMEDIA.
